ખોડલમાં તુ ખમકારી.

અમારો સાદ સુણીને સીધાવતી તી રે માં ખોડલમાં તુ ખમકારી...એ માં ખોડલમાં રે ખમકારી...

નવઘણ આવયો વરુડીના નેહડે જગદંબા ને લળી લળી ને લાગયો છે પાય
પછી હેતથી આઇ એ હાથને લાંબા કરયા વીર નવઘણના ઓવારણા લેતી આઇ
તેદી વરુડી બનીને માં વીનવતી તી રે નવઘણના ઘૉડલા વાળતી તી રે માં ખોડલમાં તુ ખમકારી...એ માં ખોડલમાં રે ખમકારી...

ચુલે ચડાવી જગદંબા એ નાની એવી કુલડી એમા અખુટ દુધડા ઊભરાય
પછી વાલથી ખવરાવે નવઘણ વીર ને માં નુ હૈયુ હેતથી ઉભરાય...
તેદી પ્રેમથી દુધડા પીવડાવતી તી રે માં કુલળીમા કટક ને જમાડતી તી રે માં ખોડલમાં તુ ખમકારી...એ માં ખોડલમાં રે ખમકારી...

નવઘણ કહે હાલ્યો હું સીંધમા મને આદો છે દરિયો અપાર
હવે જગદંબા મારગ બતાવજે તુ છે મારી મગરવાળી માં
તેદી ચકલી બનીને ભાલે આવતી તી રે માં દરિયામા ઘૉડલાને વારતી તી તી રે માં ખોડલમાં તુ ખમકારી...એ ખોડલમાં રે ખમકારી...

જંગ મા નવઘણને જીતાવી ને જગદંબા એ મારયો છે સુમરો હમીર
બંધી ખાનેથી બહેન જાહલ ને છોડાવી પછી સુખના વાયા સમીર
તેદી ચારણ નંગા ની ભીડ ભાગતી તી રે માં લાજુ સોરઠની રાખતી તી રે માં ખોડલમાંતુ ખમકારી...એ માં ખોડલમાં રે ખમકારી...