કોઇ રોકી લ્યો રોકી લ્યો રામાપીરને રે

રામાપીર ની સમાધીયું ગળાય રે,
કોઇ રોકી લ્યો રોકી લ્યો રામાપીરને રે......

એવી માલણ રે લાવે રૂડા ફુલડાં રે જી,
ઇ ફુલડાંમાં સુગંધ નહી હોય રે,
કોઇ રોકી લ્યો.....

માતા મિનળદે ઝાલે રે ઘોડાનાં પેંગડા રે જી,
નેતલદે ઝાલી છે લગામ રે,
કોઇ રોકી લ્યો.....

વિરમદેવ રૂવે રંગમહેલમાં રે જી,
ડેલીએ રૂવે છે દિવાન રે,
કોઇ રોકી લ્યો.....

હાટે રે રૂવે છે હાટ વાણીયા રે,
ચોરે રૂવે ચારણ ભાટ રે,
કોઇ રોકી લ્યો.....

હરીના ચરણે રે હરજી ભાટી બોલીયા રે જી
દેજો અમને તમારા ચરણે વાસ રે,
કોઇ રોકી લ્યો....