કોને કહું દલડાની વાતું,હવે નથી રે રહેવાતું

કોને કહું દલડાની વાતું,હવે નથી રે રહેવાતું. ૧

જેને જેને કહું તે તો કહ્યું નવ માને,
મને મુરખ ગણીને મારે લાતું,
હવે નથી રે રહેવાતું. ૨

ઘેલા રે લોકડીયા મારી ગત શું જાણે,
મારા રુદયામાં કાંઈ કાઇ થાતું,
હવે નથી રે રહેવાતું. ૩

દિલના દરદ દર્દી દિલ જાણે,
ઓલા વૈદો ને નથી સમજાતું,
હવે નથી રે રહેવાતું. ૪

સુગરા મળે તો શાંતિ રે સ્થાપે,
ઓલા નુગરા પાછળ કરે વાતું,
હવે નથી રે રહેવાતું. ૫

કહે છે, ‘સતાર દાસ’ ભજો એક અવિનાશ,
ભક્તિ કરતાં રહે છે મન રાતું,
હવે નથી રે રહેવાતું. ૬