રામાપીર પધારો રે લીલુડે ઘોડલે રે

ઈ ઘોડલીયાના જોવા છે મારે ઘમસાણ રે,

રામાપીર પધારો રે લીલુડે ઘોડલે રે,(ટેક)

જરકસી જામા પીરની,પીળી રે પીતાંબરી રે,
પીરની મોજડી મા મોતીડાની ખાણ રે...
રામાપીર પધારો...

જળહળ જ્યોતુ રે,જલે રામાપીરની રે,
પીરના લીલુડા ફરુકે રે નીશાન રે...
રામાપીર પધારો...

પલમાં પોકરણ ને પલમાં દ્વારીકા રે,
પલમા પીરની હેલડીયે છે પલાણ રે...
રામાપીર પધારો...

ઘોડલે ચડીને પીરજી મંડપમાં પધારજો રે,
પધારો મારા બાર બીજના ભાણ રે...
રામાપીર પધારો...

ગુરુના પ્રતાપે રે પુરુષોતમ બોલીયા રે,
દેજો અમને તમારા ચરણોમાં વાસ રે...
રામાપીર પધારો...